Ek het onlangs besluit om alle mooi of interessante woorde en uitdrukkings wat ek hoor, te begin neerskryf. Geen rede nie, net vir my eie plesier. Die eerste paar woorde op die lys is:
- noodgedwonge
- onooglike
- onaansienlike
- onheilspellende
- slaggereed
- netelige
- terstond
- honds
Dan het M.H. ook die volgende sêgoed tot die lys bygedra:
“Die wêreld is ’n gevaarlike plek” en
“Hansie Cronjé het gemaak dat my oupa nog in bittermin dinge glo.”
Laastens, iemand in die kantoor het my vertel van “lippe teen die klippe” en “fonteindroom”. Van die kollegas beweer dat hulle dit ook al gehoor het en dat dit regte uitdrukkings is. Ken jy dit? Wat dink jy is die betekenis daarvan? (En nee, “lippe teen die klippe” is nie soos “skouer aan die wiel” nie.)
skip to main |
skip to sidebar
People say that life is the thing, but I prefer reading. - Logan Pearsall Smith
16 comments:
wil ek weet wat 'n fonteindroom is?
is klaps par gel te nar?
Ek hou ook van Lip kap (gesels) en Toon stoot (dans).
En ook van beskrywende woorde soos roltrap, afskuwelik, bronstig, handskoen en ontlasting. As iemand net asseblief vir my kan sê hoekom 'n kameelperd 'n kameelperd genoem word. Ek hou van die taal in die algemeen lyk dit my.
To the max, maatjie :-) My gunstelinge is desnieteenstaande, onomwonde, grondboontjiebotter (nie noodwendig 'n sê-ding nie, ek weet, maar steeds so lekker om hardop te sê)...
O ja, en ek hou nogal van "eweneens" en "indertydse". My studieleier het laasgenoemde gesien in my tesis, nie geglo dat dit 'n regte woord is nie, en toe die WAT gebel om te hoor of dit regtig bestaan. Dit bestaan regtig. Ha!
weerlooshied en oorbelle
turksvy verrinneweer gat nogal owergesetsynde spanspek seekoei darem lekker
Brandnetel, kruideniersware, wiskunde, pens en ontsettend.
mapstieks
jislaaik voetsek eina
Waansinnig, slagyster, aartappel.
Lippe teen die klippe - om hard te drink, gewoonlik brandewyn en coke (ys is die klippe).
Tien uit tien, Pienk Zuit. Die verduideliking van die "klippe"-deel wat ek gehoor het, was anders (drink baie, val om, lippe teen die klippe). Maar ek dink ek verkies joune.
My pa het altyd gesê iemand is "lippe teen die klippe" - ek het dit verstaan om te beteken "moedeloos", "moeg" of selfs "gatvol".
Ag dankie, Pienk Zuit - dit maak vir my 100% sin. My pa was self lief vir sy bramfientjie, so kan verstaan dat dit 'n sê-ding tussen hom en sy vriende was.
Post a Comment